Некалькі расійскіх дронаў заляталі на Гомельшчыну 26—27 студзеня — адзін упаў у Добрушы
26 студзеня ў межах Добруша ўпаў, без дэтанацыі, меркавана ўдарны БПЛА тыпу «Шахед», паведамляе «Флагшток».
Маніторынгавыя каналы ў той дзень не фіксавалі залётаў. Паводле звестак крыніцы, мясцовым жыхарам забаранілі здымаць упаўшы дрон, і неўзабаве яго вывезлі. Час і месца падзення ўдакладняюцца.
27 студзеня, паводле ўкраінскіх маніторынгавых каналаў, пры чарговай паветранай атацы РФ па тэрыторыі Украіны паветраная прастора Беларусі была парушаная некалькімі БПЛА.
А 04:42 канал «Рында маніторыць» паведаміў, што адзін дрон вылецеў курсам на Мазыр. А 05:16 — яшчэ адзін рухаецца курсам на Хойнікі. Апошні выпадак пацвердзіў і канал «еРадар».
Няма доказаў таго, што гэтыя БПЛА перасеклі мяжу, але ёсць зафіксаваныя выпадкі вылету з Гомельшчыны іншых дронаў. А 03:59 той жа канал інфармаваў пра рух па тэрыторыі Беларусі ўздоўж мяжы аднаго беспілотніка ў бок Жытоміршчыны.
А 04:02 «Рында маніторыць» паведаміў, што з Беларусі адзін дрон вылецеў на Красяцічы, а 05:31 яшчэ адзін — накіраваўся на Прыпяць.
З улікам часу залётаў і вылетаў Флагшток робіць выснову, што раніцай 27 студзеня праз Гомельшчыну прайшло мінімум 3 расійскія БПЛА. Ці ўсе беспілотнікі пакінулі тэрыторыю краіны, а калі не, то што з імі стала — пакуль невядома.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары