«Апошняя рэстайлінгавая версія цюбінгу». У Рэчыцы каталіся з горкі… у труне
Адправіўшыся на фотасесію ў лесе пад Рэчыцай, сярод зімовай прыгажосці дзяўчына наткнулася на нечаканы прадмет. Карыстальніца vikkkkk_k24 у тыктоку падзялілася з падпісчыкамі незвычайным выпадкам, заўважыў «Магілёў. Анлайн».
Аўтарка відэа Вікторыя распавяла, што пры разглядзе прадмет аказаўся труной. Каб пераканацца, што ўнутры няма «сюрпрызу», яна разам з кампаніяй перавярнула знаходку. Толькі тады зразумела: нехта выкарыстоўваў труну замест цюбінгу для катання з горкі.
Відэа стала нагодаю для шматлікіх жартаў у каментарах.
«Вось гэта я разумею: калі ў апошні шлях, дык з ветрыкам!»
«Апошняя рэстайлінгавая версія цюбінгу».
«Проста гатовы да любога канца паездкі».
«Вось на чыгуннай ванне круцей будзе. Мы каталіся».
«Дзядуля расказваў, калі ён быў маленькі, у яго бабулі труна на гарышчы ляжала, яны з сябрамі скралі гэтую труну і каталіся як на лодцы па рэчцы».
«Гэта каб далёка не хадзіць: паехаў, у дрэва рэзнуўся— і адразу на месцы ўпакуюць».
Сама Вікторыя здзіўляецца, як труну прыцягнулі ў лес і адкуль яна ўзялася ў аматараў экстрыму. Яна згадала, што ў яе дзяцінстве каталіся на санях, капоце, лінолеуме ці пакетах, а цяпер, відаць, гэтага ўжо мала — «у труне значна весялей».
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары