«Apošniaja restajlinhavaja viersija ciubinhu». U Rečycy katalisia z horki… u trunie
Adpraviŭšysia na fotasiesiju ŭ lesie pad Rečycaj, siarod zimovaj pryhažości dziaŭčyna natknułasia na niečakany pradmiet. Karystalnica vikkkkk_k24 u tyktoku padzialiłasia z padpisčykami niezvyčajnym vypadkam, zaŭvažyŭ «Mahiloŭ. Anłajn».
Aŭtarka videa Viktoryja raspaviała, što pry razhladzie pradmiet akazaŭsia trunoj. Kab pierakanacca, što ŭnutry niama «siurpryzu», jana razam z kampanijaj pieraviarnuła znachodku. Tolki tady zrazumieła: niechta vykarystoŭvaŭ trunu zamiest ciubinhu dla katańnia z horki.
Videa stała nahodaju dla šmatlikich žartaŭ u kamientarach.
«Voś heta ja razumieju: kali ŭ apošni šlach, dyk ź vietrykam!»
«Apošniaja restajlinhavaja viersija ciubinhu».
«Prosta hatovy da luboha kanca pajezdki».
«Voś na čyhunnaj vańnie kruciej budzie. My katalisia».
«Dziadula raskazvaŭ, kali jon byŭ maleńki, u jaho babuli truna na haryščy lažała, jany ź siabrami skrali hetuju trunu i katalisia jak na łodcy pa rečcy».
«Heta kab daloka nie chadzić: pajechaŭ, u dreva reznuŭsia— i adrazu na miescy ŭpakujuć».
Sama Viktoryja ździŭlajecca, jak trunu pryciahnuli ŭ les i adkul jana ŭziałasia ŭ amataraŭ ekstrymu. Jana zhadała, što ŭ jaje dziacinstvie katalisia na saniach, kapocie, linoleumie ci pakietach, a ciapier, vidać, hetaha ŭžo mała — «u trunie značna viesialej».
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary