Рамзан Кадыраў тыдзень не з'яўляецца на публіцы. Кажуць, што яго тэрмінова шпіталізавалі ў Маскве
Кіраўнік Чачэнскай Рэспублікі Рамзан Кадыраў быў тэрмінова шпіталізаваны напярэдадні пасяджэння Дзяржаўнага савета Расіі, якое адбылося 25 снежня ў Маскве пад старшынствам Уладзіміра Пуціна. На сустрэчы прысутнічалі кіраўнікі ўсіх рэгіёнаў Расіі, акрамя прадстаўніка Чачні.
Паводле звестак, атрыманых выданнем «Новая газета Европа» ад сваіх крыніц, Рамзан Кадыраў планаваў удзельнічаць у пасяджэнні асабіста і нават прыляцеў у Маскву 24 снежня. Аднак у ноч перад пасяджэннем ягоны стан здароўя рэзка пагоршыўся, таму палітыка даставілі ў рэанімацыі ў Цэнтральную клінічную бальніцу Кіраўніцтва справамі прэзідэнта РФ. Запаснага варыянта на выпадак такой сітуацыі не было, таму Дзяржсавет прайшоў без удзелу прадстаўніка Чачні.
Па словах крыніцы з атачэння Кадырава, у Маскве дактары з цяжкасцю стабілізавалі яго стан, пасля чаго ён вярнуўся дадому. З таго часу кіраўнік Чачні не з’яўляецца на публіцы.
Праблемы са здароўем Кадырава назіраюцца ўжо не першы год. Пасля шпіталізацыі ў прыватнай клініцы Грознага «Аймеды» ў пачатку мінулага года яго стан працягваў пагаршацца. Ускосна гэта пацвердзіў і сам Кадыраў падчас нядаўняй прамой лініі, калі паведаміў, што за год чатыры разы хадзіў у афіцыйны адпачынак. Для кіраўніка рэгіёна, які раней працаваў у ненармаваным рэжыме і практычна без перапынкаў, гэта нетыповая сітуацыя. Асабліва паказальна, што адзін з навагодніх адпачынкаў сёлета доўжыўся амаль два месяцы.
Падчас той жа прамой лініі Кадыраў прызнаў, што мае праблемы з нервовай сістэмай: пастаяннае напружанне і дрэннае самаадчуванне. Ён патлумачыў гэта перажываннямі за чачэнскіх вайскоўцаў, якія знаходзяцца на фронце ва Украіне.
У выніку на працягу года кіраўнік Чачні з’яўляўся ў публічнай прасторы вельмі рэдка і фактычна перастаў кіраваць рэгіёнам у звыклым для сябе фармаце. Большасць часу ён праводзіць або ў сваёй рэзідэнцыі, або ў клініцы «Аймеды». Паводле звестак журналістаў, сёлета яго двойчы кансультавалі замежныя дактары, у тым ліку ў Германіі і ў прыватнай клініцы ў Дубаі, але істотнага паляпшэння гэта не дало. Адна з крыніц сцвярджае, што надзеі на пазітыўны для Кадырава вынік вельмі малыя.
Нягледзячы на сур’ёзныя праблемы са станам здароўя, адміністрацыя прэзідэнта Расіі ўжо ўхваліла кандыдатуру Кадырава для ўдзелу ў выбарах кіраўніка Чачэнскай Рэспублікі, запланаваных на 2026 год. Ці існуе ў Крамля запасны план на выпадак, калі ён не зможа ўдзельнічаць у выбарах, пакуль невядома. Паводле крыніц, ніякіх перамоў з магчымымі пераемнікамі Кадырава ў Маскве цяпер не вядзецца.
Клан Кадыравых ва ўладзе дасягнуў амаль 100 чалавек
Рамзан Кадыраў зноў атрымаў званне Героя Чачні
Кадыраў заявіў, што ў яго 17‑гадовага сына Адама няма незаслужаных узнагарод
«Мы недаацэньваем маштаб асобы Кадырава. Тое, што нам здавалася немагчымым, магчыма»
Рамзан Кадыраў ледзь не патануў на адпачынку ў Турцыі
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары