Літоўская асацыяцыя перавозчыкаў прызнала, што не ведае, колькі грузавікоў цяпер затрымана ў Беларусі
Літоўская нацыянальная асацыяцыя аўтамабільных перавозчыкаў Linava заявіла, што яна не мае дакладных даных пра масавае вяртанне затрыманых у Беларусі грузавікоў, пра што раней заяўлялі ва ўрадзе Літвы. У сувязі з гэтым Linava заклікала кампаніі-перавозчыкі падаць адносна наяўнай сітуацыі афіцыйную інфармацыю.
«На гэты момант узнікае сітуацыя, калі публічна даступныя даныя дзяржаўных органаў пра затрыманыя ў Беларусі транспартныя сродкі інтэрпрэтуюцца няправільна або не адлюстроўваюць рэальны маштаб праблемы. Каб пазбегнуць розных інтэрпрэтацый і забяспечыць дакладнасць фактаў, неабходна сабраць адзіныя, надзейныя і афіцыйна пацверджаныя кампаніямі даныя», — паведамляе ў сваім звароце Linava.
Дзеля таго асацыяцыя звярнулася да ўсіх літоўскіх перавозчыкаў — як членаў Linava, так і тых, якія ў арганізацыю не ўваходзяць, — з просьбай перадаць афіцыйна пацверджаныя звесткі пра грузавікі, якія былі або яшчэ застаюцца ў Беларусі. Гэтая інфармацыя таксама патрэбная для магчымых юрыдычных дзеянняў і разгляду пазоваў на кампенсацыю.
23 снежня прэм’ер-міністарка Літвы Інга Ругінене заявіла, што значная частка літоўскіх грузавікоў, якія былі заблакаваныя ў Беларусі, нібыта ўжо вярнулася да працы. Паводле яе слоў, некаторыя грузавікі яшчэ знаходзяцца ў Беларусі, але сітуацыя паступова вырашаецца. Пры гэтым яна не ўдакладніла дакладную колькасць грузавікоў, што ўжо працуюць.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў5
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1818
Каментары