Litoŭskaja asacyjacyja pieravozčykaŭ pryznała, što nie viedaje, kolki hruzavikoŭ ciapier zatrymana ŭ Biełarusi
Litoŭskaja nacyjanalnaja asacyjacyja aŭtamabilnych pieravozčykaŭ Linava zajaviła, što jana nie maje dakładnych danych pra masavaje viartańnie zatrymanych u Biełarusi hruzavikoŭ, pra što raniej zajaŭlali va ŭradzie Litvy. U suviazi z hetym Linava zaklikała kampanii-pieravozčyki padać adnosna najaŭnaj situacyi aficyjnuju infarmacyju.
«Na hety momant uźnikaje situacyja, kali publična dastupnyja danyja dziaržaŭnych orhanaŭ pra zatrymanyja ŭ Biełarusi transpartnyja srodki interpretujucca niapravilna abo nie adlustroŭvajuć realny maštab prablemy. Kab paźbiehnuć roznych interpretacyj i zabiaśpiečyć dakładnaść faktaŭ, nieabchodna sabrać adzinyja, nadziejnyja i aficyjna paćvierdžanyja kampanijami danyja», — paviedamlaje ŭ svaim zvarocie Linava.
Dziela taho asacyjacyja źviarnułasia da ŭsich litoŭskich pieravozčykaŭ — jak členaŭ Linava, tak i tych, jakija ŭ arhanizacyju nie ŭvachodziać, — z prośbaj pieradać aficyjna paćvierdžanyja źviestki pra hruzaviki, jakija byli abo jašče zastajucca ŭ Biełarusi. Hetaja infarmacyja taksama patrebnaja dla mahčymych jurydyčnych dziejańniaŭ i razhladu pazovaŭ na kampiensacyju.
23 śniežnia premjer-ministarka Litvy Inha Ruhinienie zajaviła, što značnaja častka litoŭskich hruzavikoŭ, jakija byli zabłakavanyja ŭ Biełarusi, nibyta ŭžo viarnułasia da pracy. Pavodle jaje słoŭ, niekatoryja hruzaviki jašče znachodziacca ŭ Biełarusi, ale situacyja pastupova vyrašajecca. Pry hetym jana nie ŭdakładniła dakładnuju kolkaść hruzavikoŭ, što ŭžo pracujuć.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary