Спецпрадстаўнік прэзідэнта Дональда Трампа ў Беларусі Джон Коўл напісаў у сацсетцы X пост, у якім пракаментаваў вызваленне беларускіх палітвязняў, якое адбылося пасля ягоных перамоў у Мінску з Аляксандрам Лукашэнкам 12‑13 снежня.
«Яшчэ 156 палітвязняў вызваленыя дзякуючы лідарству прэзідэнта Трампа! Гэта важны крок у адносінах паміж ЗША і Беларуссю. У Вільні мы абмеркавалі пытанні рэгіянальнай бяспекі і міграцыі з Гітанасам Наўседам і Інгай Ругінене і ў Мінску з прэзідэнтам Лукашэнкам.
Дзякуй вам, прэзідэнт Лукашэнка, за тое, што прынялі нас і за вашы пастаянныя крокі. Дзякуй вам, Літва і Украіна, за вашу падтрымку і партнёрства ў вызваленні гэтых зняволеных. Асабліва ўдзячны Кірылу Буданаву за яго неацэнную каардынацыю, дзякуючы якой гэта адбылося на працягу апошніх некалькіх тыдняў», — напісаў Джон Коўл.
Як паведамлялася, 13 снежня на волю з беларускіх турмаў і калоній выйшлі 123 чалавекі. Лічба 156, называная Коўлам, уключае іншыя выпадкі вызваленняў, якія адбываліся з канца лістапада. У прыватнасці, быў вызвалены 31 грамадзянін Украіны і два каталіцкія святары — Генрых Акалатовіч і Анджэй Юхневіч.
На волі Марыя Калеснікава, Віктар Бабарыка, Марына Золатава, Алесь Бяляцкі, Максім Знак! Агулам вызвалены 123 палітвязні
Коўл пра перамовы з Лукашэнкам: Гаварылі пра будучыню і пра тое, як нармалізаваць адносіны
Андрэя Пачобута сярод вызваленых палітвязняў няма
За першыя тры гадзіны беларусы сабралі больш за 124 тысячы еўра для 123 вызваленых палітзняволеных
Каментары