Трэцяе здарэнне на чыгунцы ў Польшчы — на рэйках выявілі накладку са смартфонам
На чыгуначнай лініі Варшава — Люблін чарговае здарэнне. Як паведаміў акаўнт Dyspozytura Trakcji, які спецыялізуецца на навінах чыгункі, перад станцыяй Пулавы Азоты было выяўлена іншароднае прыстасаванне.
Скрын відэа з папярэдняга месца здарэння. Там прэм'ер-міністр Польшчы Дональд Туск пацвердзіў, што пашкоджанне чыгункі на лініі Варшава — Люблін адбылося ў выніку дыверсіі
Падчас патрулявання быў знойдзены металічны ліст, які быў прыкручаны балтамі да рэйкі. За некалькі дзясяткаў метраў ад яго да рэйкі быў прымацаваны смартфон з правадамі.
Здарэнне адбылося на той жа лініі Варшава — Люблін, дзе на выходных ужо была дыверсія. Сёння раніцай прэм'ер-міністр Польшчы Дональд Туск пацвердзіў яе факт.
Увечары ў нядзелю побач са станцыяй Пулавы была таксама пашкоджаная кантактная сетка, што прывяло да экстраннага спынення хуткаснага цягніка. У выніку пашкоджаны токапрыёмнік лакаматыва, разбітыя тры акны ў вагоне.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары