Сяргей Ціханоўскі: Я не маю дачынення да Офіса Ціханоўскай. Атмасферу ў Офісе цяжка назваць здаровай
Сяргей Ціханоўскі атрымаў узнагароду Магніцкага як «выбітны апазіцыйны палітык» за свае «лідарскія якасці і непахісную адданасць дэмакратыі ў Беларусі». Але не змог асабіста трапіць у Лондан і з гэтай нагоды апублікаваў у інстаграме абураны пост.
«Для мяне вялікі гонар быць удастоеным прэміі Магніцкага 2025», — напісаў палітык і дадаў, што адначасова яму вельмі шкада, што асабіста ён не зможа прысутнічаць на яе ўручэнні ў Лондане.
«Я даведаўся пра ўручэнне прэміі толькі напярэдадні з сацсеткі X і не змог своечасова атрымаць брытанскую візу ў Вільні. Арганізатары прэміі былі ўпэўненыя, што я ў курсе, і змагу прысутнічаць. Самі яны са мной не звязваліся, бо памылкова меркавалі, што Офіс Святланы Ціханоўскай паведаміць мне пра гэта. Гэта зразумела — ніводзін чалавек у здаровым розуме не можа меркаваць, што магчымая сітуацыя, у якой мне не перададуць такую інфармацыю.
Аднак, я са шкадаваннем вымушаны канстатаваць, што атмасферу ў Офісе цяжка назваць здаровай», — напісаў Ціханоўскі.
Паводле яго слоў, такая сітуацыя была з прэміяй Сахарава, «і толькі дзякуючы неабыякавасці старшыні Еўрапарламента Раберты Метсолы асабіста, дзякуй ёй за гэта, я атрымаў копію дыплома: аказалася, што дамагчыся рэакцыі ад яе было прасцей, чым ад Офіса, які мае арыгінал», — яшчэ раз пакпіў ён з Офіса жонкі.
Ён дадаў, што напісаў пост, каб больш не аказвацца ў падобных сітуацыях.
«Паведамляю журналістам, актывістам і міжнародным партнёрам: я не маю дачынення да Офіса Святланы Ціханоўскай, і прашу звяртацца да мяне наўпрост, калі вы хочаце мяне кудысьці запрасіць, узяць у мяне інтэрв'ю або прапанаваць мне супрацоўніцтва», — напісаў былы палітвязень.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары
- Не аддамо аніводнай, ані кавалачка!