Прэм'ер Літвы пра фуры ў Беларусі: Бізнэс павінен быў да гэтага падрыхтавацца
Інга Ругінене называе гнеў перавозчыкаў з-за фур, што захраслі ў Беларусі, несумленным, перабольшаным эмацыйным фонам. Паводле яе слоў, ведаючы напружаныя адносіны з Расіяй і Беларуссю, да такіх сітуацый можна было падрыхтавацца загадзя.
Кажучы пра фуры, што захраслі ў Беларусі, прэм’ер адзначае, што разумее кіроўцаў, аднак падкрэслівае: бізнэс, ведаючы пра напружаныя адносіны з Расіяй і Беларуссю, павінен быў ацаніць рызыкі і падрыхтавацца да такіх сітуацый.
«Калі наш бізнэс мае дзелавыя адносіны з Беларуссю або з краінамі, што сімпатызуюць Беларусі і Расіі, відаць, трэба ацаніць рызыкі. Мяжы не былі закрытыя тут і цяпер раптоўна. Мы два тыдні паўтаралі і казалі: калі не спыніцца гібрыдная атака, мы закрыем на больш працяглы тэрмін. Таму можна было да гэтай сітуацыі сапраўды падрыхтавацца», — сказала Інгa Ругінене LRT Radio.
«Мы нічога не хаваем, мы пра гэта адкрыта гаварылі, і таму цяпер такі перабольшаны эмацыйны фон перавозчыкаў крыху несумленны, бо мы пра гэта гаварылі і казалі, што трэба рыхтавацца. Калі сітуацыя паміж намі і Беларуссю ды Расіяй напружаная, мы прымем усе меры, каб забяспечыць бяспеку нашых, літоўскіх грамадзян», — падкрэсліла прэм’ер.
Сацыял-дэмакратка адзначае, што Літва гатовая адкрыць мяжу, каб вярнуць фуры, аднак з боку Беларусі бракуе ініцыятывы ў гэтым пытанні. «Беларусь не праяўляе ніякай добразычлівасці ў гэтым пытанні, і гэта азначае, што сітуацыя дастаткова напружаная. Мы яе вырашаем, бачыце, што рыторыка Беларусі змяняецца наконт перамоўнай групы і іншых рэчаў. Гэта азначае, што станоўчыя сігналы прыходзяць у Літву, але яшчэ трэба зрабіць шмат працы», — сказала прэм’ер.
Нагадаем, што ў выніку закрыцця літоўска-беларускай мяжы з-за метэаралагічных зандоў у Беларусі засталіся каля 1100 літоўскіх фур.
Лукашэнка загадаў браць з літоўскіх дальнабойшчыкаў па 120 еўра за суткі на стаянцы, а ў тых, хто не будзе плаціць, забіраць машыны. Такім чынам, гаворка пра 132 тысячы еўра за суткі.
11 лістапада міністру замежных спраў Беларусі Максіму Рыжанкову даручана пачаць перамовы з літоўскімі калегамі. Аляксандр Лукашэнка паставіў задачу нармалізаваць сітуацыю на мяжы і дамовіцца пра адкрыццё пунктаў пропуску.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары