Галоўнакамандуючы Узброенымі сіламі Украіны Аляксандр Сырскі наведаў раён Пакроўска і Мірнаграда, якія зараз з'яўляюцца галоўнымі мэтамі наступальнай кампаніі расійскіх войскаў. Сырскі прызнаў, што сітуацыя ў раёне складаная.
«Сітуацыя складаная, але заяўленні расійскай прапаганды пра нібыта «блакаванне» Сіл абароны Украіны ў Пакроўску, як і ў Купянску, не адпавядаюць рэчаіснасці», — заявіў ён.
Па яго словах, у Пакроўску расійская пяхота, «пазбягаючы баявых сутыкненняў, засяроджваецца ў гарадской забудове, мяняе месцы знаходжання, таму першачарговая задача — выявіць яе і знішчыць».
«Працуем над узмацненнем устойлівасці абароны на пакроўскім напрамку. Тут важныя: якаснае ўзаемадзеянне паміж падраздзяленнямі, забеспячэнне іх усім неабходным, у тым ліку ў адпаведнасці з дадатковымі патрэбамі; дакладнае і скаардынаванае выкананне пастаўленых задач. Кожны камандзір, незалежна ад узроўню, павінен арганізаваць якаснае выкананне задач. Строга папярэдзіў камандзіраў аб недапушчэнні безадказнасці. За гэта буду прымаць жорсткія меры, да зняцця з пасад», — дадаў галоўнакамандуючы.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2222
Каментары
Праз тыдзень будзе зразумела адпавядаюць ці не.