У Мінску пачаўся фестываль шансону. Нявестка Лукашэнкі прывезла Шуфуцінскага
17‑18 кастрычніка ў мінскім Палацы спорту праходзіць «Душэўны фестываль». Учора на першым канцэрце арганізатары сабралі большую частку залі — нягледзячы на тое, што квіткі прадаваліся па 74‑229 рублёў. Чым забаўлялі?

«Душэўны фестываль» праходзіць у Мінску не ўпершыню — летась на ім сабралі поўную залу ў Палацы спорту.
Леташняе выступленне на фестывалі
Арганізатар фестывалю — «Душэўнае радыё». Гэту радыёстанцыю запусціла кампанія «Музычная частата», звязаная з нявесткай Лукашэнкі Ганнай Сялук. Учора, дарэчы, пачала вяшчаць яшчэ адна яе радыёстанцыя — «Радыё Шансон».

У першы дзень хэдлайнерам фестывалю быў расійскі шансон-выканаўца Міхаіл Шуфуцінскі — вядомы па мемным хіце пра 3 верасня.

Выступілі таксама Герман Цітоў, Аляксей Пятрухін, Афіна, групы «БумеR», «Рождество».

На вечар 18 кастрычніка запланаваныя спевы «Буранаўскіх бабуль». У канцэрце сярод іншых будзе ўдзельнічаць Аляксандра Мелех — гэта яна праспявала песню «Ах, Аляксандр» у гонар Лукашэнкі.
Беларускія артысты на «Душэўным фестывалі» традыцыйна ў меншасці: з 22 заяўленых на сайце праграм толькі дзевяць не з Расіі.

Зрэшты, права распачаць першы канцэрт «Любімы шансон» дасталася беларусу Віталю Гардзею. Вядучай гэтага канцэрта была беларуская спявачка Вікторыя Алешка, разам з Юрыем Царовым і Аляксандрам Мяжанным.




Канцэрт цалкам плануюць паказаць па дзяржаўным тэлебачанні праз тыдзень, 25 кастрычніка.

-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
Каментары