U Minsku pačaŭsia fiestyval šansonu. Niaviestka Łukašenki pryviezła Šufucinskaha
17‑18 kastryčnika ŭ minskim Pałacy sportu prachodzić «Dušeŭny fiestyval». Učora na pieršym kancercie arhanizatary sabrali bolšuju častku zali — niahledziačy na toje, što kvitki pradavalisia pa 74‑229 rubloŭ. Čym zabaŭlali?
«Dušeŭny fiestyval» prachodzić u Minsku nie ŭpieršyniu — letaś na im sabrali poŭnuju zału ŭ Pałacy sportu.
Letašniaje vystupleńnie na fiestyvali
Arhanizatar fiestyvalu — «Dušeŭnaje radyjo». Hetu radyjostancyju zapuściła kampanija «Muzyčnaja častata», źviazanaja ź niaviestkaj Łukašenki Hannaj Siałuk. Učora, darečy, pačała viaščać jašče adna jaje radyjostancyja — «Radyjo Šanson».
U pieršy dzień chedłajnieram fiestyvalu byŭ rasijski šanson-vykanaŭca Michaił Šufucinski — viadomy pa miemnym chicie pra 3 vieraśnia.
Vystupili taksama Hierman Citoŭ, Alaksiej Piatruchin, Afina, hrupy «BumieR», «Roždiestvo».
Na viečar 18 kastryčnika zapłanavanyja śpievy «Buranaŭskich babul». U kancercie siarod inšych budzie ŭdzielničać Alaksandra Mielech — heta jana praśpiavała pieśniu «Ach, Alaksandr» u honar Łukašenki.
Biełaruskija artysty na «Dušeŭnym fiestyvali» tradycyjna ŭ mienšaści: z 22 zajaŭlenych na sajcie prahram tolki dzieviać nie z Rasii.
Zrešty, prava raspačać pieršy kancert «Lubimy šanson» dastałasia biełarusu Vitalu Hardzieju. Viadučaj hetaha kancerta była biełaruskaja śpiavačka Viktoryja Aleška, razam ź Juryjem Carovym i Alaksandram Miažannym.
Kancert całkam płanujuć pakazać pa dziaržaŭnym telebačańni praz tydzień, 25 kastryčnika.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary