Адзін з найбольшых расійскіх НПЗ спыніў найбуйнейшую перапрацоўчую ўстаноўку
Кірышскі нафтаперапрацоўчы завод, адзін з найбуйнейшых у Расіі, спыніў устаноўку першаснай перапрацоўкі нафты CDU-6 — сваю самую магутную — пасля атакі ўкраінскіх дронаў і наступнага пажару 4 кастрычніка. Пра гэта паведамляе агенцтва Reuters.
Гэта прыпыненне можа прывесці да скарачэння вытворчасці нафтапрадуктаў на фоне паліўнага крызісу ў Расіі, якая сутыкаецца з дэфіцытам асобных папулярных марак бензіну з-за пастаянных нападаў ўкраінскіх БПЛА на аб'екты нафтавай інфраструктуры.
Па словах крыніц, магутнасць CDU-6 складае 8 мільёнаў тон у год, або 160 тысяч барэляў у суткі — каля 40% ад агульнай перапрацоўчай здольнасці завода.
Падчас прастою CDU-6 завод будзе, як паведамляецца, працаваць на 70% магутнасці дзякуючы прыцягненню іншых установак, якія будуць перавышаць свае вытворчыя магчымасці.
Паводле ацэнак галіновых крыніц, у 2024 годзе Кірышскі НПЗ перапрацаваў 17,5 мільёна тон нафты — гэта 6,6% агульнага аб'ёму нафтаперапрацоўкі ў Расіі. У мінулым годзе ён вырабіў 2 мільёны тон бензіну, 7,1 мільёна тон дызеля, 6,1 мільёна тон мазуты і 600 тысяч тон бітуму.
Украінскія беспілотнікі ўдарылі па НПЗ у Ленінградскай вобласці, але магчыма прамахнуліся
Пекла ў Расіі: удары па нафтаперапрацоўцы паглыбляюць паліўны крызіс і мяняюць уяўленні Трампа пра перспектывы Украіны
Лукашэнку на руку, што Украіна б'е па расійскіх НПЗ? Што гэта прынясе Беларусі
Украінскія беспілотнікі ўпершыню даляцелі да нафтаперапрацоўчага завода ў Цюмені. Гэта за 2000 км ад лініі фронту
Каментары