Adzin z najbolšych rasijskich NPZ spyniŭ najbujniejšuju pierapracoŭčuju ŭstanoŭku
Kiryšski naftapierapracoŭčy zavod, adzin z najbujniejšych u Rasii, spyniŭ ustanoŭku pieršasnaj pierapracoŭki nafty CDU-6 — svaju samuju mahutnuju — paśla ataki ŭkrainskich dronaŭ i nastupnaha pažaru 4 kastryčnika. Pra heta paviedamlaje ahienctva Reuters.
Heta prypynieńnie moža pryvieści da skaračeńnia vytvorčaści naftapraduktaŭ na fonie paliŭnaha kryzisu ŭ Rasii, jakaja sutykajecca z deficytam asobnych papularnych marak bienzinu z-za pastajannych napadaŭ ŭkrainskich BPŁA na abjekty naftavaj infrastruktury.
Pa słovach krynic, mahutnaść CDU-6 składaje 8 miljonaŭ ton u hod, abo 160 tysiač barelaŭ u sutki — kala 40% ad ahulnaj pierapracoŭčaj zdolnaści zavoda.
Padčas prastoju CDU-6 zavod budzie, jak paviedamlajecca, pracavać na 70% mahutnaści dziakujučy pryciahnieńniu inšych ustanovak, jakija buduć pieravyšać svaje vytvorčyja mahčymaści.
Pavodle acenak halinovych krynic, u 2024 hodzie Kiryšski NPZ pierapracavaŭ 17,5 miljona ton nafty — heta 6,6% ahulnaha abjomu naftapierapracoŭki ŭ Rasii. U minułym hodzie jon vyrabiŭ 2 miljony ton bienzinu, 7,1 miljona ton dyziela, 6,1 miljona ton mazuty i 600 tysiač ton bitumu.
Ukrainskija bieśpiłotniki ŭdaryli pa NPZ u Leninhradskaj vobłaści, ale mahčyma pramachnulisia
Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy
Łukašenku na ruku, što Ukraina bje pa rasijskich NPZ? Što heta pryniasie Biełarusi
Ukrainskija bieśpiłotniki ŭpieršyniu dalacieli da naftapierapracoŭčaha zavoda ŭ Ciumieni. Heta za 2000 km ad linii frontu
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary