«Не можам трапіць у Беларусь». Утварылася чарга на латвійскай мяжы, аўтобусы стаяць з вечара
На латвійска-беларускай мяжы ўтварылася вялікая чарга з транспарту. Людзі стаяць з вечара без элементарных умоў — туалетаў няма, нават хадзіць у лес забаранілі памежнікі, піша Onliner.
Чытачка распавяла Onlíner пра сітуацыю на латвійска-беларускай мяжы. Паводле яе слоў, аўтобусы, што прыехалі туды яшчэ ўчора ўвечары, да гэтага часу не могуць перасекчы мяжу, каб уехаць у Беларусь.
— Мы прыехалі на мяжу ўчора ў 18:30. Да 08:30 сітуацыя не змянілася: стаім дагэтуль на латвійскім баку. Умоў няма ніякіх: туалетаў няма, людзі ходзяць у лес, — распавяла суразмоўца. — Дакладней, хадзілі: цяпер памежнікі і гэта забараняюць — пагражаюць штрафам.
Паводле яе слоў, увечары, калі яны толькі сталі ў чаргу аўтобусаў, былі дзясятымі. Цяпер — чацвёртыя.
Гэта значыць, прыкладна за 10 гадзін латвійскую мяжу прайшлі 6 аўтобусаў.
Жанчына распавяла, што з Беларусі выязджала праз польскую мяжу, калі яшчэ пункт пропуску «Тарэспаль» быў адкрыты. Мяркуючы па ўсім, іх аўтобус тады быў адным з апошніх, хто паспеў праехаць.
— Ехалі мы праз Польшчу. З Мінска выехалі 9 верасня ў 14:00, мяжу перасеклі 11 верасня ў 22:30, — распавяла яна.
Цяпер вярнуцца той жа дарогай нельга, «Тарэспаль» зачынены, як і ўсе астатнія пункты пропуску на польскай мяжы. Літва або Латвія — вось што засталося для людзей, якія спрабуюць вярнуцца аўтобусамі або аўтамабілямі з ЕС у Беларусь.
Польшча закрыла мяжу з Беларуссю ў ноч з 11 на 12 верасня ў сувязі з пачаткам расійска-беларускіх вучэнняў «Захад-2025», якія завяршыліся 16 верасня. Польскі бок паведаміў, што мяжу адкрыюць, калі палічаць гэта бяспечным.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Неужели не могут организовать биотуалеты?!
К сожалению, балтийские страны так же далеки от Европы, как и страны восточнее. В ЕС заскочить получилось, а менталитет остался тот же. Как я его называю, "злобносовковый" ((