Махляры пачалі актыўна выкарыстоўваць у сваіх схемах шкоднасную праграму Phantom Card. Яна крадзе даныя банкаўскіх карт і іншую асабістую інфармацыю. Звычайна траян трапляе ў смартфоны праз падробленыя праграмы ці спасылкі з фішынгавых паведамленняў.
Фота ілюстрацыйнае
Схема выглядае так: зламыснікі тэлефануюць, прадстаўляюцца супрацоўнікамі Нацбанка ці сілавых структур і настойліва просяць усталяваць «службовы» дадатак для праверкі карткі. Спасылку на загрузку яны дасылаюць самі.
Пасля ўстаноўкі махляры патрабуюць прыкласці картку да тэлефона. У гэты момант праграма счытвае даныя з чыпа карткі і перадае іх ашуканцам. У выніку яны могуць здымаць грошы ў банкаматах без удзелу ахвяры.
Абараніцца ад гэтага рэкамендуецца наступным чынам:
- Не размаўляйце з незнаёмцамі ў месенджарах, нават калі яны называюцца супрацоўнікамі банкаў або дзяржаўных структур.
- Не пераходзьце па спасылках з SMS і паведамленняў.
- Не ўсталёўвайце праграмы з выпадковых крыніц — карыстайцеся толькі афіцыйнымі крамамі, як Google Play, і чытайце водгукі.
- Калі вам прыходзіць спасылка «ад банка» для ўсталявання або абнаўлення праграму — патэлефануйце на гарачую лінію банка і праверце інфармацыю.
- Калі ёсць падазрэнне, што картка скампраметаваная, адразу заблакуйце яе праз мабільны дадатак або патэлефанаваўшы ў банк.
У Мінску асудзілі 17-гадовага падлетка, які працаваў кур'ерам тэлефонных махляроў. У адной жанчыны ён забраў $760 тысяч
З'явіўся новы від махлярства. Тэлефануюць ад імя сартавальнага цэнтра «Белпошты»
Махляры выманілі ў пенсіянеркі залатыя зліткі амаль на 220 тысяч рублёў
Кур'ер махляроў падмануў і ахвяру, і сваіх наймальнікаў
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы2
Каментары