Францужанка спрабавала ўвезці ў Беларусь амаль 600 грамаў золата без дэкларацыі
Інцыдэнт адбыўся ў пункце пропуску «Каменны Лог».

Фота: Мытны камітэт
Жанчына ехала на рэйсавым аўтобусе па маршруце Вільня — Гомель і выбрала для перасячэння мяжы зялёны калідор, тым самым пацвердзіўшы адсутнасць тавараў, што падлягаюць абавязковаму дэклараванню, паведаміў Мытны камітэт.
Але падчас агляду яе багажу гродзенскія мытнікі выявілі 50-грамовы злітак золата і 84 залатыя манеты розных наміналаў і гадоў выпуску, вырабленыя ў Францыі, Італіі і Швейцарыі. Агульная вага вырабаў склала амаль 600 грамаў.
Па даных мытні, спроба недэклараванага ўвозу золата магла прывесці да неаплаты пошлін на 50 тысяч рублёў. Матэрыялы па справе накіраваны для далейшага разбіральніцтва.
Каментары