Азербайджан рыхтуе адказ на ўдары Расіі па азербайджанскіх нафтагазавых аб’ектах ва Украіне
10 жніўня сазваніліся прэзідэнт Азербайджана Ільхам Аліеў і прэзідэнт Украіны Уладзімір Зяленскі. Яны абмяркоўвалі ў тым ліку ўдары расійскіх войскаў па газавай інфраструктуры Украіны, па якой праходзіць азербайджанскі газ, а таксама па нафтавай базе азербайджанскай кампаніі SOCAR у Адэсе. Кіраўнікі краін выказалі абурэнне дзеяннямі расійскіх узброеных сіл, паведамляе Caliber.Az.
Па звестках партала, атрыманых ад вартых даверу крыніц, калі Расія працягне сваю агрэсіўную палітыку ў дачыненні да інтарэсаў Азербайджана, то афіцыйны Баку пачне разглядаць пытанне аб зняцці эмбарга на пастаўкі ўзбраення Украіне, якое знаходзіцца ў яго арсенале.
Удары Расіі па энергетычных аб'ектах Азербайджана на тэрыторыі Украіны змушаюць Баку прымаць меры ў адказ.
У ноч з 7 на 8 жніўня 2025 года расійскія войскі атакавалі нафтабазу Азербайджанскай кампаніі SOCAR у Адэскай вобласці Украіны. Пяць ударных дронаў «Шахед» ударылі па нафтабазе, выклікаўшы пажар і пашкодзіўшы дызельны трубаправод. Чацвёра супрацоўнікаў кампаніі атрымалі цяжкія раненні.
Гэта ўжо другі напад за апошнія тыдні на аб'екты ва Украіне, звязаныя з Азербайджанам. Раней была атакаваная газаразмеркавальная станцыя паблізу Арлоўкі, ключавы элемент Трансбалканскага газаправода, па якім 28 чэрвеня ва Украіну пачаў паступаць азербайджанскі газ.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую1
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары