Пашыраюцца кібератакі пад выглядам анімэ. З пачатку года ў Беларусі больш за тысячу выпадкаў
За першыя шэсць месяцаў 2025 года ў Беларусі зафіксавалі больш за 1000 кібератак, дзе шкоднасныя файлы хаваліся пад выглядам відэа, гульняў або іншага кантэнту, звязанага з анімэ. Пра гэта паведамілі спецыялісты кампаніі Kaspersky, піша Office Life.
Хакеры выкарыстоўваюць вядомыя назвы, напрыклад, Naruto («Нарута»), One Piece («Ван Піс»), Attack on Titan («Атака тытанаў»), Jujutsu Kaisen («Магічная бітва») і Demon Slayer («Знішчальнік дэманаў»), каб прывабіць карыстальнікаў.
Яны распаўсюджваюць небяспечныя праграмы пад выглядам «эксклюзіўных серый», «уцечак сцэнаў» ці «преміум-доступу». Найчасцей гэта загрузчыкі, якія затым усталёўваюць больш небяспечнае ПЗ, напрыклад траянцаў, здольных сачыць за карыстальнікам, красці даныя або адкрываць доступ да прылады.
Паводле слоў эксперта Васіля Калеснікава, злачынцы карыстаюцца папулярнасцю анімэ, асабліва сярод моладзі. Ён раіць быць уважлівымі: не загружаць файлы з падазронымі пашырэннямі (.exe,.msi) і не пераходзіць па спасылках з ненадзейных крыніц, нават калі яны прапануюць эксклюзіўны кантэнт.
Таксама паведамлялася, што вясной 2025 года з'явілася новая форма атакі: хакеры стваралі падробленыя акаўнты на YouTube і выкладалі відэа пра чаты і гульнявыя боты, каб распаўсюджваць шкоднае ПЗ.
Прамова гэтага мінскага выпускніка на лінейцы ў 2020-м узарвала інтэрнэт. Што з хлопцам цяпер?2
Каментары
Чым менш яны нешта "фіксуюць" і вывучаюць у сетках і ў карыстальнікаў Беларусі, тым лепш.
Лінуксоід пісаў?