Белы дом пераўтвараецца ў казачны палац: Трамп будуе бальную залу за 200 мільёнаў даляраў
Дональд Трамп працягвае перарабляць Белы дом на свой капыл — і асабліва важна для яго, каб было як мага больш залатога бляску.
Цяпер ён збіраецца пабудаваць раскошную бальную залу ва ўсходнім крыле. Кошт праекта: 200 мільёнаў даляраў, піша Bild.
«Гэта будзе вялікая спадчына», — заявіў прэзідэнт.
Будаўніцтва павінна пачацца ўжо ў верасні — і завяршыцца да заканчэння другога прэзідэнцкага тэрміну Трампа ў студзені 2029 года.
Новая зала будзе змяшчаць да 650 гасцей — гэта ў тры разы больш, чым East Room, разлічаны ўсяго на 200 чалавек. На будаўнічых планах ёсць залатыя люстры, якія звісаюць у ярка асветленай зале з раскошнай аздобай.
«На працягу 150 гадоў прэзідэнты, урады і супрацоўнікі Белага дома марылі пра вялікую залу для мерапрыемстваў проста на тэрыторыі рэзідэнцыі», — сказала прэс-сакратар Трампа Кэралайн Лівіт.
Пахваліла прэзідэнта і кіраўніца адміністрацыі Белага дома С'юзі Уайлс: «Трамп — будаўнік у душы і валодае выключным пачуццём да дэталяў».
Паводле заявы Белага дома, выдаткі на гэты прэстыжны праект пакрыюць прыватныя спонсары, а таксама сам Трамп.
Аднак і крытыка не прымусіла сябе чакаць: некаторыя назіральнікі абвінавачваюць рэспубліканца ў самаўзвышэнні і жаданні раскошы.
Журнал New York Magazine нават саркастычна назваў сваю артыкул: «Трамп пераўтварае Белы дом у Мар-а-Лага» — маючы на ўвазе яго раскошную сядзібу ў Фларыдзе, вядомую сваім вычварным стылем і вялікай колькасцю золата.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары