У Брэсце мужчына, які вядзе блог пад нікам «ВаськаПілот», апублікаваў у тыктоку відэа, дзе паказаў, як «адмываў» даляры, якія адмовіўся прымаць банк, у хатніх умовах, заўважыла BG.Media.
Мужчына расказаў, што банк адмовіўся прымаць ягоныя $600, бо на купюрах была цвіль. Тады ён вырашыў самастойна ачысціць іх з дапамогай сродку «Белізна» з утрыманнем хлёркі. Пасля ён высушыў банкноты, праверыў іх пад ультрафіялетам і зноў пайшоў у банк.
Першы банк зноў адмовіўся прыняць купюры — маўляў, ад іх смярдзіць хлёркай. Але другі прыняў усе банкноты, акрамя адной. Установу, дзе грошы прынялі, блогер называць не стаў.
У відэа ён жартуе: «Пах як у басейне», і каментуе, што купюры ў першым банку нават панюхалі.
У каментарыях да відэа людзі смяюцца, дзеляцца сваім досведам і жартуюць, што выраз «адмываць грошы» цяпер гучыць літаральна.
У беларускіх банках да іншавалютных купюр цяпер вельмі строгія патрабаванні: яны мусяць быць без плям, тлушчу, цвілі, пахаў або пашкоджанняў. Асабліва ўважліва правяраюць даляры, бо іх часта падрабляюць. Нават сапраўдныя, але сапсаваныя купюры банк мае права не прыняць.
Цвіль на грошах з’яўляецца звычайна з-за няправільнага іх захоўвання ва ўмовах вільготнасці (напрыклад, у падвале ці сырым сейфе).
Мыць даляры дома, як паказвае гэта відэа, тэхнічна магчыма, але ўвогуле гэта кепская ідэя. Бо купюра — не тканіна, і ад хіміі ды вільгаці яна можа пашкодзіцца: страціць абарончую сетку, вадзяны знак ці іншыя элементы. Тады ніякі банк яе ўжо дакладна не прыме.
«Раніцай купіў даляры, увечары ўжо не здаць». Ці зменяцца правілы ў абменніках і што банкі робяць з «дрэннай» валютай
«Цяпер толькі з ліхтарыкам каля касы». Беларус прыдумаў, як ніколі не купляць «кепскія» даляры
«Некаторыя кліенты знайшлі альтэрнатыву новым далярам». Касірка банка адказала на пытанні, якія ўзнікаюць пры абмене валюты
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары