24 ліпеня краіны Еўрасаюза ўзгаднілі спіс контрмер на агульную суму каля 93 мільярдаў еўра ў адказ на новыя мытныя пошліны, уведзеныя ЗША. Гэтыя меры пачнуць дзейнічаць з 7 жніўня, калі да гэтага часу ЕС і ЗША не дамовяцца, піша Euronews.
Сярод тавараў, на якія будуць распаўсюджвацца еўрапейскія пошліны, — самалёты, аўтамабілі, запчасткі, апельсінавы сок, птушынае мяса, соевыя бабы, сталь, алюміній, яхты, а таксама амерыканскі бурбон. Апошняе, праўда, выклікала спрэчкі, бо Францыя і Ірландыя баяцца, што ЗША могуць увесці ў адказ пошліны на еўрапейскія віны і іншыя спіртныя напоі.
Перад тым як зацвердзіць спіс, Еўракамісія правяла кансультацыі з еўрапейскім бізнэсам. Усе краіны — члены ЕС, акрамя Венгрыі, падтрымалі меры.
Калі пагаднення да 1 жніўня не будзе дасягнута, меры ўступяць у сілу, бо на гэты дзень прэзідэнт ЗША Дональд Трамп прызначыў запуск 30-працэнтных пошлін на еўрапейскі імпарт.
Акрамя таго, ЕС гатовы скарыстацца так званым «інструментам супраць прымусу», які дазволіць блоку ўдарыць па сферы паслуг ЗША. Раней Германія была супраць гэтага, але цяпер далучылася да Францыі, якая здаўна падтрымлівала выкарыстанне такога інструмента.
Пасля сустрэчы федэральнага канцлера Германіі Фрыдрыха Мерца і прэзідэнта Францыі Эмануэля Макрона прадстаўнік Елісейскага палаца адзначыў, што абодва лідары маюць аднолькавае бачанне сітуацыі і спадзяюцца на станоўчы вынік перамоў, адначасова рыхтуючыся да жорсткіх крокаў, калі дамоўленасці не будзе.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары