У выдавецтве «Беларуская навука» выйшла навінка — «Традыцыйны светалад беларусаў. Грамадства». Гэта чацвёртая кніга серыі, прысвечанай ключавым тэмам, вобразам і канцэптам традыцыйнага светапогляду беларусаў, піша Bellit.com.
Аўтарамі кнігі выступілі Т. В. Валодзіна, І. М. Дубянецкая, М. Б. Завадскі, У. А. Лобач, С. І. Санько, Д. В. Скварчэўскі. За мастацкае афармленне адказваў М.С.Храпавіцкі.
У чацвёртым томе (з запланаваных пяці) гаворка ідзе пра тое, як традыцыйная культура бачыць сям’ю, грамадства, яго структуру і функцыянаванне ў розных жыццёвых сітуацыях.
Выданне ўжо можна купіць у Менску ў кнігарні «Акадэмічная кніга».
Каментары