Міністр абароны Украіны абвясціў пра рэзкае павелічэнне дальнабойных удараў па Расіі
Украіна рыхтуецца значна павялічыць колькасць удараў па тэрыторыі Расіі з дапамогай дальнабойных беспілотнікаў, заявіў міністр абароны Украіны Рустэм Умераў у інтэрв'ю, якое публікуе «Інтэрфакс-Украіна».
Па словах міністра, яшчэ два тыдні таму было прынята рашэнне ў некалькі разоў павялічыць маштабы і колькасць аперацый з выкарыстаннем БПЛА вялікай далёкасці. Ужо рыхтуецца закупка дзясяткаў тысяч новых дронаў, мішэнямі якіх стануць вайсковыя аб’екты на тэрыторыі Расіі.
Умераў паведаміў, што ў 2025 годзе ва УСУ плануецца паставіць больш за 4 мільёны беспілотнікаў. Па стане на сёння 1,5 мільёна з іх ужо перададзеныя — праз дзяржаўныя пастаўкі і набыццё непасрэдна вайсковымі брыгадамі. Украінскія вытворцы выйшлі на аб’ёмы, якія дазваляюць выпускаць больш за 4 мільёны БПЛА на год.
Умераў падкрэсліў, што пастаўкі беспілотнікаў адбываюцца згодна з графікам, а ўдары па расійскіх аб’ектах наносяцца штодзённа, у межах зацверджаных планаў.
Таксама адзначаецца, што яшчэ летась Украіна распрацавала сістэму рэгулярных дальнабойных аперацый і заключыла кантракты на дзесяткі тысяч дальнабойных дронаў. Гэта дазволіла наладзіць высокадакладныя ўдары па важных цэлях у глыбіню тэрыторыі Расіі.
Акрамя таго, Украіна разам з саюзнікамі пачала вытворчасць дронаў-перахопнікаў для супрацьдзеяння усё большай колькасці атак з боку расійскіх БПЛА, уключаючы іранскія «шахеды». Выпускам гэтых дронаў займаюцца тры ўкраінскія кампаніі.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне1
Каментары