Пасля працяглага перапынку турэцкія дроны зноў пачалі ваяваць супраць расійскіх акупантаў.
Украінскія вайскоўцы зноў задзейнічалі турэцкія беспілотнікі Bayraktar TB2 у баявых дзеяннях супраць расійскіх акупантаў, паведамляе УНІАН са спасылкай на нямецкі тэлеканал N-tv.
Камандуючы Ваенна-марскіх сіл Украіны Аляксей Неіжпапа некалькі дзён таму апублікаваў відэа, на якім Bayraktar TB2 знішчае расійскі вайсковы катар у рачной зоне Херсоншчыны. Гэта стала першым задакументаваным выкарыстаннем дрона за апошнія месяцы.
Ударны Bayraktar TB2 набыў шырокую папулярнасць на пачатку поўнамаштабнага ўварвання ў 2022 годзе. Тады гэтыя турэцкія «птушкі» эфектыўна знішчалі расійскія танкі і артылерыю.
Аднак пасля мадэрнізацыі расійскіх сістэм СПА і сродкаў РЭБ, дрон страціў эфектыўнасць.
Як піша Euromaidanpress, ужыванне Bayraktar цяпер можа сведчыць пра наяўнасць уразлівасцяў у расійскай супрацьпаветранай абароне на поўдні Украіны, што адкрыло новыя магчымасці для дзеянняў украінскіх беспілотнікаў.
-
«Геаграфія ўкраінскіх далёкабойных санкцый пастаянна пашыраецца». Зяленскі пракаментаваў удар «Фламінга» па заводзе, які вырабляе «Арэшнікі»
-
Украіна ўдарыла пяццю «Фламінга» па заводзе ў Валгаградзе, дзе вырабляюць «Арэшнік»
-
УСУ крытычна пашкодзілі Цэнтр касмічнай сувязі ў Гусі-Хрустальным за Масквою
Каментары