Мабільныя аператары вырашылі пакуль не адключаць папулярных тарыфных планаў
Мабільныя аператары МТС і А1 вырашылі не адключаць папулярныя тарыфныя планы, як гэта планавалася раней. Праўда, іх вяртанне ці захаванне цяпер абстаўлена пэўнымі ўмовамі, піша Tochka.by.
Кампанія А1, прааналізаваўшы перавагі сваіх карыстальнікаў, вырашыла дазволіць ім вярнуцца да старых тарыфаў лінейкі «Без ліміту». Аднак новыя падключэнні да гэтых тарыфаў будуць немагчымыя, бо яны застануцца ў архіве. Усе ж, хто карыстаўся гэтымі тарыфамі, змогуць аднавіць іх, падрабязную інфармацыю кампанія абяцае размясціць на сваім сайце.
Падобнае рашэнне было прынята і ў МТС: тэрміны закрыцця архіўных тарыфаў перанеслі. Больш за тое, карыстальнікі заўважылі, што тарыф «Безлимитище» зноў даступны ў мабільным дадатку. Аператар падкрэслівае: усе, хто самастойна перайшоў на іншы тарыф з-за паведамленняў пра закрыццё, могуць бясплатна вярнуцца на ранейшы план.
Раней паведамлялася, што цяпер пастановай Савета Міністраў у Беларусі забаронена падключаць платныя паслугі без згоды карыстальніка. Такое рашэнне прынялі пасля шматлікіх скаргаў ад абанентаў. Цяпер усе дадатковыя платныя сэрвісы можна падключыць толькі з дазволу кліента.
З 1 красавіка ўступаюць у сілу новыя правілы па платных падпісках ад мабільных аператараў
МТС спыняе абслугоўванне некаторых тарыфных планаў
Не выязджаў з Беларусі, а трапіў на роўмінг: як жыхар Брэстчыны страціў грошы на мабільнай сувязі
Усе мабільныя аператары запусцілі базавы тарыф. У каго самы танны?
Каментары