Не выязджаў з Беларусі, а трапіў на роўмінг: як жыхар Брэстчыны страціў грошы на мабільнай сувязі
Жыхар Камянецкага раёна страціў 35 рублёў з балансу мабільнага тэлефона, хоць не пакідаў тэрыторыю Беларусі. Адпачываючы ў вёсцы Агароднікі, мужчына заўважыў, што ягоны тэлефон раптам падключыўся да замежнага аператара — і спрацаваў роўмінг, піша «Виртуальный Брест».
Як патлумачылі ў офісе мабільнага аператара МТС, такая з’ява — не рэдкасць для прыгранічных тэрыторый. Пры слабым сігнале беларускіх базавых станцый смартфон можа аўтаматычна пераключыцца на мацнейшую сетку суседняй краіны.
У выніку — чалавек — у Беларусі, а плаціць нібыта знаходзіцца за мяжой.
Асабліва небяспечна тое, што роўмінг актывуецца незаўважна: карыстальнік нават не бачыць пераключэння, а грошы з рахунку ўжо спісваюцца.
Спецыялісты раяць адключаць аўтаматычны выбар сеткі ў наладах тэлефона.
Ці вернуць карыстальніку грошы? З юрыдычнага пункту гледжання сітуацыя спрэчная. Закон патрабуе ад аператараў забеспячэння стабільнай сувязі па ўсёй тэрыторыі краіны. І калі сродкі спісваюцца нібыта за роўмінг на радзіме — гэта можа лічыцца парушэннем правоў спажыўцоў. Але на практыцы даказаць нешта складана — тэхнічна ты сапраўды падключыўся да замежнай сеткі, хай і ненаўмысна.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога6
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, патрэбная дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары