Усе мабільныя аператары запусцілі базавы тарыф. У каго самы танны?
Беларускія аператары мабільнай сувязі абвясцілі пра запуск базавых сацыяльных тарыфаў. Яны прадугледжваюць пэўны фіксаваны аб’ём паслуг і невысокую цану.
Увесці такія тарыфы аператараў абавязаў указ № 335 «Аб аказанні паслуг сотавай рухомай электрасувязі». Базавы набор паслуг ва ўсіх аператараў аднолькавы. Кліентам прадастаўляецца 2 Гб інтэрнэту без абмежавання хуткасці, 200 хвілін званкоў ва ўсе сеткі краіны і 50 СМС у месяц. Новыя тарыфы пачнуць дзейнічаць з 1 красавіка. Office Life паглядзеў, у каго самы танны.
Самы танны такі тарыф у аператара life:). Ён так і называецца: «Базавы» і каштуе 7,9 рубля ў месяц. У кампаніі кажуць, што інтэрнэт-трафіку хопіць для перапісак у месенджарах, выкарыстання карт, праверкі пошты і перыядычнай адпраўкі фота і галасавых паведамленняў.
У А1 гэты тарыф называецца «Сацыяльны эканом». Яго кошт — 9,4 рубля ў месяц. Пры гэтым у кампаніі паведамляюць, што для некаторых катэгорый насельніцтва (пенсіянераў, інвалідаў і шэрагу іншых) такі тарыф можна будзе падключыць за 6 рублёў у месяц.
Кампанія МТС назвала свой базавы тарыф «Супер Лайт». Ён, як і ў асноўнага канкурэнта, каштуе 9,4 рубля ў месяц. А для пенсіянераў і людзей з абмежаванымі магчымасцямі кампанія прапануе тарыф «Клапатлівы» з безлімітнымі званкамі ўнутры сеткі за 5,9 рубля ў месяц.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары
Толку з гэтага "дзяшэўле", калі не працуе.