Трамп можа ўвесці санкцыі супраць Масквы або выйсці з перамоў па Украіне — WSJ
Прэзідэнт ЗША разглядае магчымасць увядзення санкцый супраць Расіі на гэтым тыдні, бо ўсё больш незадаволены расійскімі атакамі на Украіну, піша Wall Street Journal са спасылкай на крыніцы.
Паводле слоў аднаго з суразмоўцаў выдання, абмежаванні, калі яны будуць уведзеныя, не будуць уключаць новыя банкаўскія санкцыі, аднак абмяркоўваюцца іншыя варыянты ціску на Уладзіміра Пуціна, каб прымусіць яго пайсці на саступкі за сталом перамоваў, уключаючы згоду на 30-дзённае спыненне агню, якое Расія паслядоўна адхіляе.
У нядзелю Трамп сказаў, што разглядае магчымасць увядзення санкцый пасля масіраванага ўдару па Украіне мінулымі выхаднымі. Пазней ён зноў рэзка раскрытыкаваў Пуціна, заявіўшы, што, на яго думку, той «зусім звар'яцеў».
WSJ піша са спасылкай на свае крыніцы, што Трамп стаміўся ад спроб мірнага ўрэгулявання і разглядае магчымасць адмовіцца ад іх, калі яго намаганні не спрацуюць. Пры гэтым пакуль не ясна, што адбудзецца, калі ЗША выйдуць з перамоўнага працэсу, і ці будзе Трамп працягваць ваенную падтрымку Кіеву, піша выданне.
«Прэзідэнт Трамп ясна даў зразумець, што хоча бачыць мірнае пагадненне, дасягнутае шляхам перамоваў», — гаворыцца ў заяве прэс-сакратаркі Белага дома Кэралайн Лівіт для WSJ.
Пра магчымы выхад Вашынгтона з перамоў таксама пісала і New York Times, аднак крыніцы выдання адзначалі, што Трамп даў зразумець еўрапейскім лідарам, што не мае намеру ўзмацняць санкцыйны ціск на Маскву.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары
Перадаю прывітанне ўсім хто паставіў на Расею і тым хто сапраўды паверыў што ЗША дажме Украіну. Яшчэ не позна кінуць рускіх і лукоўскіх і выйсці з Дыснейлэнду з мінімальнымі выдаткамі. Так спадар П, я пра Вас і вашую крыптабіржу ;)
Дзесці калісці нехта 90 год таму казал
Штаты амэрык.анцы паспрабуют ўсе ..і толькі пасля абяруць дакладнае натуральнае трапнае рашэнне