Павел Дураў купіў сваёй дзяўчыне ролю ў фільме Спайка Лі. Колькі каштавала?
Дзяўчына Дурава, Юлія Вавілава, з дзяцінства марыла стаць актрысай, і гэты крок, як яна напісала ў сацсетках, наблізіў яе да мары.
Павел Дураў, заснавальнік Telegram, зрабіў шчодры дабрачынны ўнёсак, каб ажыццявіць мару сваёй дзяўчыны. Ён ахвяраваў 400 тысяч долараў на дабрачынным аўкцыёне, дзе сярод розных лотаў прадавалася магчымасць зняцца ў фільме знакамітага галівудскага рэжысёра Спайка Лі. Дзяўчына Дурава, Юлія Вавілава, з дзяцінства марыла стаць актрысай, і гэты крок, напісала яна, наблізіў яе да мары.
На аўкцыёне збіралі грошы для розных некамерцыйных арганізацый праз продаж эксклюзіўных магчымасцяў: сустрэч з вядомымі асобамі, запрашэнняў на закрытыя мерапрыемствы і роляў у фільмах. Грошы, заплачаныя за ролю ў фільме Спайка Лі, цалкам пайшлі ў фонд Camp Brooklyn. Гэта арганізацыя, якая дапамагае дзецям з малазабяспечаных сем’яў з Нью-Ёрка праводзіць лета ў бяспечных і адукацыйных летніках.
Юлія Вавілава — расіянка, якая цяпер жыве ў Дубаі. Яна вядзе сацыяльныя сеткі, дзе распавядае пра крыптавалюты, гульні і лінгвістыку. У 2024 годзе яна часта суправаджала Дурава ў міжнародных паездках, у тым ліку падчас яго арышту ў Францыі.
Спайк Лі з'яўляецца адной з найвядомейшых фігур у амерыканскім кіно. Ён здымае фільмы, якія закранаюць сацыяльна важныя тэмы — расавыя канфлікты, няроўнасць, палітычныя супярэчнасці. Атрымаў два «Оскары»: у 2016 годзе — ганаровую прэмію, у 2019 — за сцэнар да фільма «Чорны кланавец».
Цяпер чытаюць
Хто той хлопец, які чакаў дзяўчыну пад дажджом у Мінску? Вы дакладна бачылі тое рамантычнае відэа12
Каментары