Pavieł Duraŭ kupiŭ svajoj dziaŭčynie rolu ŭ filmie Spajka Li. Kolki kaštavała?
Dziaŭčyna Durava, Julija Vaviłava, ź dziacinstva maryła stać aktrysaj, i hety krok, jak jana napisała ŭ sacsietkach, nabliziŭ jaje da mary.
Pavieł Duraŭ, zasnavalnik Telegram, zrabiŭ ščodry dabračynny ŭniosak, kab ažyćciavić maru svajoj dziaŭčyny. Jon achviaravaŭ 400 tysiač dołaraŭ na dabračynnym aŭkcyjonie, dzie siarod roznych łotaŭ pradavałasia mahčymaść źniacca ŭ filmie znakamitaha halivudskaha režysiora Spajka Li. Dziaŭčyna Durava, Julija Vaviłava, ź dziacinstva maryła stać aktrysaj, i hety krok, napisała jana, nabliziŭ jaje da mary.
Na aŭkcyjonie źbirali hrošy dla roznych niekamiercyjnych arhanizacyj praz prodaž ekskluziŭnych mahčymaściaŭ: sustreč ź viadomymi asobami, zaprašeńniaŭ na zakrytyja mierapryjemstvy i rolaŭ u filmach. Hrošy, zapłačanyja za rolu ŭ filmie Spajka Li, całkam pajšli ŭ fond Camp Brooklyn. Heta arhanizacyja, jakaja dapamahaje dzieciam z małazabiaśpiečanych siemjaŭ ź Ńju-Jorka pravodzić leta ŭ biaśpiečnych i adukacyjnych letnikach.
Julija Vaviłava — rasijanka, jakaja ciapier žyvie ŭ Dubai. Jana viadzie sacyjalnyja sietki, dzie raspaviadaje pra kryptavaluty, hulni i linhvistyku. U 2024 hodzie jana časta supravadžała Durava ŭ mižnarodnych pajezdkach, u tym liku padčas jaho aryštu ŭ Francyi.
Spajk Li źjaŭlajecca adnoj z najviadomiejšych fihur u amierykanskim kino. Jon zdymaje filmy, jakija zakranajuć sacyjalna važnyja temy — rasavyja kanflikty, niaroŭnaść, palityčnyja supiarečnaści. Atrymaŭ dva «Oskary»: u 2016 hodzie — hanarovuju premiju, u 2019 — za scenar da filma «Čorny kłanaviec».
Kamientary