Махляры зарабляюць на жаданнях школьнікаў добра здаць экзамены і ЦТ
У інтэрнэце актыўна з’яўляюцца сайты і закрытыя тэлеграм-каналы, якія абяцаюць школьнікам «злітыя» адказы на выпускныя экзамены і ЦТ. Аднак за прыгожымі абяцаннямі хаваюцца звычайныя махляры, паведамляе УУС Брэсцкага аблвыканкама.
Толькі ў Брэсцкай вобласці ўжо зафіксавана больш за дзесяць сайтаў і два дзясяткі тэлеграм-каналаў, якія выдаюць сябе за надзейныя крыніцы інфармацыі. Яны выглядаюць даволі пераканаўча і лёгка могуць зацікавіць тых, хто хвалюецца за вынікі экзаменаў і хоча падстрахавацца.
У рэальнасці ж падлеткаў просяць зарэгістравацца, заплаціць за нібыта «дастаткова дакладныя» адказы, а разам з тым яны даюць махлярам доступ да асабістых звестак. У некаторых выпадках на прыладу школьнікаў трапляюць вірусы, якія могуць цалкам кантраляваць смартфон або камп’ютар.
У выніку падлеткі не атрымліваюць адказаў, губляюць грошы, а таксама яшчэ і падвяргаюцца небяспецы страціць доступ да сваіх сацсетак, паштовай скрыні ці іншых сэрвісаў.
Цяпер чытаюць
Праз дзевяць месяцаў пасля вызвалення памёр палітвязень Валерый Богдан7
Каментары