Machlary zarablajuć na žadańniach školnikaŭ dobra zdać ekzamieny i CT
U internecie aktyŭna źjaŭlajucca sajty i zakrytyja telehram-kanały, jakija abiacajuć školnikam «źlityja» adkazy na vypusknyja ekzamieny i CT. Adnak za pryhožymi abiacańniami chavajucca zvyčajnyja machlary, paviedamlaje UUS Bresckaha abłvykankama.
Tolki ŭ Bresckaj vobłaści ŭžo zafiksavana bolš za dziesiać sajtaŭ i dva dziasiatki telehram-kanałaŭ, jakija vydajuć siabie za nadziejnyja krynicy infarmacyi. Jany vyhladajuć davoli pierakanaŭča i lohka mohuć zacikavić tych, chto chvalujecca za vyniki ekzamienaŭ i choča padstrachavacca.
U realnaści ž padletkaŭ prosiać zarehistravacca, zapłacić za nibyta «dastatkova dakładnyja» adkazy, a razam z tym jany dajuć machlaram dostup da asabistych źviestak. U niekatorych vypadkach na pryładu školnikaŭ traplajuć virusy, jakija mohuć całkam kantralavać smartfon abo kampjutar.
U vyniku padletki nie atrymlivajuć adkazaŭ, hublajuć hrošy, a taksama jašče i padviarhajucca niebiaśpiecy stracić dostup da svaich sacsietak, paštovaj skryni ci inšych servisaŭ.
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu34
Kamientary