У Базелі прайшоў першы паўфінал «Еўрабачання». Вызначыліся першыя фіналісты
Канадская спявачка Селін Дыён звярнулася з кароткім відэазваротам да ўдзельнікаў конкурсу «Еўрабачанне», першы паўфінал якога адбыўся ўвечары ў аўторак у швейцарскім Базелі, піша Бі-бі-сі.
Дыён перамагла на песенным конкурсе ў 1988 годзе, калі прадстаўляла Швейцарыю і толькі пачынала музычную кар’еру.
«Я хацела б быць з вамі, — сказала яна з экрана. — Швейцарыя назаўжды зойме асаблівае месца ў маім сэрцы. Гэта краіна, якая паверыла ў мяне і дала мне шанец стаць часткай нечага асаблівага».
Па выніках першага паўфіналу ў фінал, які адбудзецца ў суботу на арэне «Санкт-Якабсхале», выйшлі 10 удзельнікаў, у тым ліку шведскі гурт KAJ, чыя песня Bara Bada Bastu з’яўляецца фаварытам сёлетняга конкурсу.
Калі прадказанні спраўдзяцца, гэта будзе восьмая перамога Швецыі на «Еўрабачанні», што зробіць яе самай паспяховай краінай за ўсю гісторыю конкурсу.
Усяго ў паўфінале ў аўторак выступілі прадстаўнікі 15 краін, у фінал у выніку прайшлі Нарвегія, Албанія, Швецыя, Ісландыя, Нідэрланды, Польшча, Сан-Марына, Эстонія, Партугалія і Украіна.
Азербайджан, Бельгія, Кіпр, Харватыя і Славенія па выніках паўфіналу пакінулі конкурс.
Другі паўфінал пройдзе ў чацвер, фінал — у суботу.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары