Новы міністр замежных спраў Германіі плануе павялічыць бяспеку ў Балтыйскім рэгіёне
Новы глава МЗС Германіі Ёхан Вадэфуль ў інтэрв'ю NOZ выказаўся аб сваіх працоўных планах на гэтай пасадзе, паведамляе Deutsche Welle.
«»Я лічу <…>, што ўсяму Балтыйскаму рэгіёну да гэтага часу надавалася занадта мала ўвагі з боку грамадскасці, і на працягу свайго тэрміну паўнамоцтваў я хацеў бы прыцягнуць да яго больш увагі», — сказаў палітык.
Вадэфуль таксама згадаў пра пашкоджанне кабеляў сувязі паміж краінамі Балтыі і Скандынавіі, выдаленне памежных буяў на расійска-эстонскай мяжы, парушэнне паветранай прасторы краін ЕС і НАТА і паводзіны Вайскова-марскога флоту Расіі.
«Такім чынам, відавочна, што мы жывём у зоне рызыкі», — сказаў міністр.
У тым жа інтэрв'ю Вадэфуль сказаў, што ва Украіны ёсць перспектыва ўступлення і ў ЕС, і ў НАТА.
«У НАТА мы супольна дамовіліся, што Украіна знаходзіцца на шляху да ўступлення ў абаронны альянс і гэты шлях незваротны», — падкрэсліў ён.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро7
Каментары