Джэй Дзі Вэнс: Расія на перамовах па Украіне просіць больш за разумнае. Яна не атрымае тэрыторыі, якія нават не захапіла
Віцэ-прэзідэнт ЗША Джэй Дзі Вэнс назваў «занадта вялікімі» патрабаванні, якія Расія вылучыла падчас перамоў па ўрэгуляванні вайны ва Украіне.
«Мы ведалі, што Расія папросіць занадта шмат, бо расійскае ўспрыманне вайны грунтуецца на тым, што яны перамагаюць. <…> Але Расія не можа разлічваць на тое, што ёй аддадуць тэрыторыю, якую яна яшчэ нават не захапіла. І гэта адна з рэчаў, якую яны ўключылі ў першапачатковы мірны план», — сказаў Вэнс у інтэрв’ю Fox News 8 мая.
Паводле віцэ-прэзідэнта ЗША, у Вашынгтоне ведалі, што Расія ў сваім першым прапанове папросіць «больш, чым разумна даць», паколькі «менавіта так часта праходзяць перамовы».
Вэнс назваў прагрэсам тое, што Расія і Украіна ўдзельнічаюць у перамовах і прапануюць «канкрэтныя мірныя планы». Пры гэтым ён адзначыў, што ЗША выйдуць з перамоваў, калі зразумеюць, што «расіяне не ўдзельнічаюць у перамовах і не паводзяць сябе добрасумленна».
«І калі гэта адбудзецца, так, мы сыдзем. Прэзідэнт скажа, што мы выходзім з гэтай справы. А гэта, на маю думку, будзе азначаць, што і Расія, і Украіна застануцца сам-насам, без савета і пасярэдніцтва Злучаных Штатаў».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Перестать поставлять Украине помощь и ждать, когда Россия захватит то, что выстовляет в своих требованиях на "преговорах" ???