З коміна Сікстынскай капэлы ў Ватыкане ўвечары 7 мая пайшоў чорны дым. Гэта азначае, што падчас свайго першага і адзінага на сённяшні дзень галасавання кардыналам, якія ўдзельнічаюць у канклаве, Папу абраць не ўдалося.
У сераду, 7 траўня, 133 кардыналы-выбаршчыкі ўвайшлі ў Сікстынскую капэлу ўрачыстай працэсіяй, пачынаючы канклаў, на якім абяруць наступнага і 267-га Папу Рымскага.
Замкнёныя ключом у Сікстынскай капэле, кардыналы пачалі абранне 267-га пераемніка Пятра. Для абрання новага Папы патрабуецца большасць у дзве траціны галасоў, то-бок не менш за 89. Штодня можа адбывацца да чатырох тураў галасавання.
Першы бюлетэнь быў пададзены ўвечары 7 траўня. Затым галасаванне будзе праводзіцца чатыры разы на дзень у наступныя дні: двойчы раніцай і двойчы ўвечары.
Чорны дым сігналізуе пра безвыніковае галасаванне; белы дым, які суправаджаецца звонам званоў, будзе апавяшчаць пра прыход новага Папы.
У ранейшыя разы ніводзін Папа таксама ніколі не быў абраны ў першы дзень канклава.
Сёння ў Ватыкане пачынаецца канклаў кардыналаў. Будзе абраны новы Папа
Над Сікстынскай капэлай паставілі комін
Кардыналы з 71 краіны свету: геаграфія канклава
Кухня нядрэнная, віно на здароўе, але ў чым галоўнае пытанне будучага канклава?
Як з’явіліся канклавы. Кардыналаў замкнулі, разабралі ім дах, не кармілі — але ўсё вырашыла кровапраліцце
Хто з палітвязняў выйшаў на свабоду 16 верасня ПОЎНЫ СПІС23
Каментары