Уладзімір Пуцін згадзіўся на перайменаванне валгаградскага аэрапорта Гумрак у «Сталінград». Пра гэта паведаміла прэс-служба Крамля па выніках візіту кіраўніка дзяржавы ў Валгаград.
З ініцыятывай выступіў губернатар Валгаградскай вобласці Андрэй Бачароў, які сустрэўся з Пуціным у завяршэнні яго працоўнай паездкі,піша Moscow Times.
Паводле слоў губернатара, яму нібыта паступіла шмат зваротаў ад мясцовых жыхароў і жыхароў іншых рэгіёнаў з просьбай вярнуць аэрапорту імя «Сталінград». Сярод ініцыятараў перайменавання ён згадаў «ветэранаў і ўдзельнікаў «спецыяльнай ваеннай аперацыі» (поўнамаштабнага ўварвання ва Украіну).
У адказ Пуцін заявіў: «Іх слова для мяне — закон. Так і зробім: як толькі вярнуся ў Маскву, адразу ж будзе падрыхтаваны і падпісаны ўказ аб прысваенні аэрапорту імя Сталінграда».
Каментары