Брытанскі блогер «у жоўтых шортах» паспрабаваў рэцэпт смажаных пельменяў. Ніколі не паўтарайце
Брытанскі блогер Уіл Эгертан, вядомы сваёю любоўю да Беларусі, у рамках крокаў па асіміляцыі вырашыў паспрабаваць любімую многімі беларусамі страву — смажаныя пельмені. Атрымалася жахліва.
Рэцэпт Уіл знайшоў і інтэрнэце. «Будзем гатаваць гарачыя пяльмешкі, таму што я ніколі іх не еў», — патлумачыў ён.
Атрымалася суцэльнае выпрабаванне. Патрэбнага масла не было — пайшоў алей. Агонь палыхаў, патэльня гарэла, покрыўка не падыходзіла.
На моманце з рэцэпта «Цяпер дадамо спецыі» здарылася страшнае.
«У мяне цукар. У мяне ванілін і згушчонка», — знайшоў спецыі Уіл, вядомы сваёй шалёнай любоўю да згушчонкі. Гэта пайшло на патэльню.
Потым былі вада, смятана, сыр.
«Выглядае як ДТЗ, але на смак не як ДТЗ. Калі вы таксама хочаце паспрабаваць, захоўвайце гэта відэа, каб вы маглі паўтарыць за мной. Карацей, 10 з 10, very very good», — ацаніў смак кухар.
«Вольныя дзяўчыны, забярыце яго ўжо хто-небудзь!»
«Хлопцу гатоўка пакуль не паддаецца(»
«Уіл, малю, давай я табе пельмені пасмажу», — шалеюць у каментарах.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары