Са слоў Трампа, у выпадку выхаду ў Зяленскага будуць «вялікія праблемы».
Прэзідэнт ЗША Дональд Трамп заявіў, што ўкраінскі прэзідэнт Уладзімір Зяленскі нібыта хоча выйсці са здзелкі па здабычы карысных выкапняў. Са слоў Трампа, у выпадку выхаду ў Зяленскага будуць «вялікія праблемы».
«Ён спрабуе выйсці з угоды аб рэдказямельных металах, і калі ён гэта зробіць, у яго ўзнікнуць праблемы, вялікія, вялікія праблемы», — цытуе Трампа агенцтва Reuters.
«Ён хоча быць чальцом NATO, але ён ніколі не будзе чальцом NATO. Ён гэта разумее», — сказаў амерыканскі лідар журналістам на борце прэзідэнцкага самалёта.
На мінулым тыдні сусветныя СМІ паведамлялі, што ЗША прадставілі Кіеву абноўлены праект пагаднення, які прадугледжвае амаль поўны кантроль ЗША над усімі радовішчамі карысных выкапняў Украіны без гарантый бяспекі для Кіева.
Зяленскі пацвердзіў, што Украіна атрымала дакумент. Да гэтага, на прэс-канферэнцыі ў Парыжы ў чацвер, ён казаў, што ўмовы здзелкі па нетрах пастаянна мяняюцца.
Пагадненне планавалася падпісаць у той дзень, калі ў Белым доме адбылася сварка паміж Трампам, Зяленскім і віцэ-прэзідэнтам ЗША Джэй Дзі Вэнсам.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары