Меркаванні2828

Многія робяць тое, што і Трамп. Толькі ціхенька і без экстраваганцыі

Закрыццё «Свабоды» ды USAID — гэта непазбежныя наступствы нападу Расіі на Украіну, піша Аляксей Быкаў. Краінам Захаду больш не да дапамогі бедным.

Архіўнае фота: дырэктар Беларускай службы радыё «Свабода» Аляксандр Лукашук (у цэнтры) і работнікі станцыі. Фота: Радыё Свабода

Проста фенаменальна, якая колькасць людзей (разумных, шчырых, сумленных, адукаваных) у нашыя складаныя часы паддаюцца эмоцыям, і замест халоднага цвярозага аналізу самі кідаюцца ў вір палітычных і культурных разборак іншай краіны.

Не так даўно стала вядома пра перафарматаванне амерыканскай знешняй дапамогі. Ад гэтага перафарматавання пацярпелі многія важныя і сумленныя ініцыятывы і людзі. Асаблівым ударам стала нявызначанасць вакол амерыканскіх службаў замежнага вяшчання («Радыё Свабода» і «Голас Амерыкі»). Шкада людзей, якія засталіся без сродкаў да існавання, у чужой краіне. 

Ва ўсім гэтым вінавацяць Трампа. 

Складваецца ўражанне, што ўвесь заходні дэмакратычны свет гарою стаіць за змагароў за дэмакратыю і барацьбітоў з расійскім імперыялізмам з Усходняй Еўропы, і толькі кепскі Трамп робіць усё наадварот, і таму абарваў фінансаванне.

Банальная праверка фактаў паказвае, што такая карціна свету не адпавядае рэальнасці.

Праўда заключаецца ў тым, што перафарматаванне і змяншэнне знешняй дапамогі заходнімі краінамі — трэнд, які пачаўся не ў Амерыцы, і пачаўся да прыхода Трампа да ўлады. І робяць гэта з аднолькавай інтэнсіўнасцю і левыя, і правыя ўрады, бо напад Расіі на Украіну змяніў свет так, што ён ніколі не стане ранейшы.

Вось толькі некалькі фактаў.

Нідэрланды, адзін з найбольшых донараў дапамогі і для беларускага незалежнага грамадства, скарацілі бюджэт замежнай дапамогі на 30%, перанакіраваўшы сродкі на праекты, якія «непасрэдна спрыяюць нідэрландскім інтарэсам». 

Брытанія (а я нагадаю, у Брытаніі ўрад не Фараджа, нават не кансерватараў, а ўрад лейбарыстаў) скарачае бюджэт замежнай дапамогі амаль у 2 разы. Значная частка скарачэння прыходзіцца на службу замежнага вяшчання BBC. «Складанае і балючае рашэнне», — каментуе брытанскі прэм'ер, лейбарыст Стармер. Ашчаджаныя грошы пойдуць на абарону.

У планах перафарматаваць памер і прыярытэты замежнай дапамогі і ў новага ўрада ў Нямеччыне.

Швейцарыя адмовілася фінансаваць некалькі агенцтваў ААН ( у тым ліку такія крытычныя, як праграмма ААН па ВІЧ/СНІД).

Бельгія скараціла дапамогу на 25%, а Францыя скараціла свой бюджэт на 37%.

Проста на нашых вачах Еўропа пераглядае ўсю стратэгію знешняй дапамогі. І гэта не толькі скарачэнне, гэта перанос фокусу з грантавых праграм на праекты, арыентаваныя на інвестыцыі. Гэта змена прыярытэтаў з фокусам на бяспеку і канкурэнтаздольнасць эканомікі.

«Тое, што адбудзецца цяпер, проста адпавядае таму, чым стаў свет, і нам патрэбна новая архітэктура [знешняй дапамогі]», — каментуе Рэмі Рыу, кіраўнік Французскага Агенцтва Развіцця (Agence française de développement).

Змяняюцца фокусы ў замежнай дапамозе і па лініі ЕС. Летась італьянец Марыё Драгі выпусціў справаздачу пра канкурэнтаздольнасць (ці, дакладней, неканкурэнтаздольнасць ЕС), якая ўскалыхнула ўвесь еўрапейскі істэблішмэнт. Драгі, прафесіянал і тэхнакрат, падрабязна распісаў усе асноўныя праблемы еўрапейскай эканомікі і часткова бяспекі, і цяпер гранты па лініі ЕС размяркоўваюцца і выдаюцца з улікам рэкамендацый з той нашумелай справаздачы Драгі.

Толькі сляпы не пабачыць, што тое, што зараз адбываецца — глабальны трэнд, а не нейкі адзінкавы выбрык трампізму.

Але мы чамусьці не чуем праклёнаў у бок Стармера, у бок Макрона, у бок Драгі, хаця па сутнасці яны робяць усё тое, што робіць Трамп (толькі ціхенька, без экстравагантнай фанабэрыі).

Падабаецца вам гэта ці не падабаецца — свет змяніўся карэнна, прыярытэты краін змяніліся. Першая опцыя паводзінаў у такой сітуацыі — енчыць, звінавачваць Трампа, звужаць і прымітызаваць пытанне, уключацца ў амерыканскія ўнутрыпалітычныя разборкі. Наколькі гэта эфектыўна? Думаю, не вельмі. Другая опцыя — адаптаваць сваё жыццё, сваю дзейнасць, свае прыярытэты да гэтых змен. І тады, можа быць, гэтая хваля вас не змяце з ног і вы застанецеся жывым.

Каментары28

  • ліндан джонсан
    30.03.2025
    Аўтар, нагадай, калі ласка, калі гэта Брытанія мела Беларускую службу Бі-бі-сі, якую можна было б скараціць? Беларускі сайт навін, які яна падтрымлівала, як існаваў гэтак і існуе. ЕС: Еўрарадыё як існавала, гэтак і існуе. Брусель выдаткоўвае дзясяткі мільёнаў на грамадзянскую супольнасць Беларусі штогод. Таму не, не ўсе так робяць, а толькі адзін лапідар.
  • Андрэйка
    30.03.2025
    У такім артыкуле, дзе аўтар сыпле фактамі і лічбамі, хацелася б бачыць спасылкі на факты.
  • Лапідарная прапаганда
    30.03.2025
    Стармер, Макрон і Драгі пагражаюць акупацыяй суседзям і спрадвечным партнёрам?
    Пачынаюць з імі гандлёвыя войны?
    Спрабуюць абрабаваць Украіну, каторая сёння і забяспечвае бяспеку ЕС? Дапамагаюць Пуціну ўзаконіць расійскую акупацыю? Ціснуць на Украіну, каб тая сама прызнала капітуляцыю?
    Спрабуюць прызначыць выпадковых і некампетнтных людзей на пасады адказныя за бяспеку?
    Ствараюць "doge" з Маскамі на чале?
    Уводзяць ненавуковыя ідэалагічныя патрабаванні да музеяў і установаў культуры?

Цяпер чытаюць

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе3

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць