«Дармаедства — гэта лад жыцця». Падаткавая злавіла жанчыну, якая гандлявала каля пераходу, і пафіласофствала
Сталічная падаткавая інспекцыя расказала аб пакаранні жанчыны, якая гандлявала каля метро без дазволу. Падаткавікі вывелі з гэтай гісторыі цэлую тэорыю.
Падаткавікі звярнулі ўвагу на жанчыну, якая гандлявала гароднінай і закаткамі каля ўваходу ля метро «Барысаўскі тракт» у Мінску. У жанчыны канфіскавалі тавар на суму ў тысячу рублёў. Акрамя таго, падаткавікі падлічылі, што на гандлі без дазволу яна зарабіла тры тысячы.
Цяпер на жанчыну складуць пратакол. Яна атрымае штраф, а таксама павінна будзе заплаціць адзіны падатак. Прычым ён будзе павялічаны ў пяць разоў, паколькі жанчыну ўжо лавілі на нелегальным гандлі.
Здавалася б стандартны выпадак, але ён падштурхнуў сталічных падаткавікаў да філасофскіх разважанняў аб «дармаедстве». Па дадзеных інспекцыі, жанчына афіцыйна не працуе з 2018 года, і ўвесь гэты час яна займаецца гандлем без дазволу.
«На прыкладзе гэтай грамадзянкі і многіх яе «калег» становіцца зразумела, што «дармаедства» — гэта не столькі цяжкая жыццёвая сітуацыя, колькі лад жыцця. Глядзіце, бо яна не сядзіць у кагосьці на шыі, а нават вельмі цяжка працуе на пакуль невядомага нам «дзядзьку»: шмат гадзін на нагах, холад, спёка, правяральнікі», — піша канал падатковай інспекцыі Мінска.
Падаткавікі лічаць, што жанчына цалкам магла б пайсці прадаўцом у любую краму, але нібыта не хоча гэтага рабіць.
«Бо вось такі лад жыцця ёй падабаецца больш. А раз так, то, з вялікай верагоднасцю, мы з ёй яшчэ сустрэнемся. На жаль», — прагназуюць падаткавікі.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары
Не проверять чиновников-взяточников и коррупционеров, и соотношение их официальных доходов и их расходов и недвижимости в Дроздах - это стиль жизни налоговиков.