З вайсковай дэлегацыяй Мінабароны ў М'янме на чале з Хрэніным усё ў парадку
З вайсковай дэлегацыяй Беларусі пасля землятрусу, які адбыўся ў М’янме, усё ў парадку, паведаміла «Спутніку» афіцыйная прадстаўніца Міністэрства абароны Наталля Гаўрусік.
Фота: Мінабароны
«З вайсковай дэлегацыяй, якая знаходзіцца з афіцыйным візітам у Рэспубліцы Саюз М’янма на чале з міністрам абароны Беларусі, усё ў парадку», — паведаміла яна.
Моцны землятрус магнітудай 7,7 адбыўся раніцай у М’янме. Падземныя штуршкі адчуваліся ў суседніх краінах — Бангладэш, Індыі, Кітаі, Тайландзе і Лаосе.
Паводле папярэдняй інфармацыі, у М’янме зафіксаваныя разбурэнні — пашкоджаны дамы, аб’екты інфраструктуры, дарогі і масты. Разбурэнні зафіксаваныя і ў Тайландзе.
Каментары