Еўрапейскія кампаніі адмаўляюцца ад амерыканскіх сэрвісаў праз Трампа
Кампаніі ў Еўропе шукаюць замену воблачным сэрвісам ад Google, Microsoft і Amazon на фоне асцярог, што адміністрацыя Трампа можа атрымаць дасяг да іх баз дадзеных. Пра сітуацыю распавёў часопіс Wired, піша devby.
Са слоў еўрапейскіх воблачных правайдэраў, за апошнія два тыдні павялічылася колькасць кампаній, якія хочуць замяніць Google Cloud, Microsoft Azure і Amazon Web Services еўрапейскімі альтэрнатывамі.
«У нас расце попыт ва ўсёй Еўропе», — распавёў выданню гендырэктар швейцарскага правайдэра Exoscale Маціяс Нэбауэр, падкрэсліўшы катэгарычнасць некаторых кліентаў.
З яго назіранняў, асабліва выразную пазіцыю маюць кампаніі з Даніі — яны жадаюць адмовіцца ад амерыканскіх сістэм праз адміністрацыю Трампа і яго словах аб Грэнландыі.
18 сакавіка Палата прадстаўнікоў Нідэрландаў прыняла восем рэзалюцый, якія заклікаюць урад знізіць залежнасць ад амерыканскіх IT-кампаній і перайсці на еўрапейскія альтэрнатывы.
Раней больш за 100 арганізацый падпісалі адкрыты ліст да еўрапейскіх чыноўнікаў з заклікам зрабіць кантынент «больш тэхналагічна незалежным». Яны адзначылі, што сённяшняе становішча спраў стварае «пагрозу для яго бяспекі і ўстойлівасці».
Эксперты адзначаюць, што міграцыя з амерыканскіх воблачных сэрвісаў зойме гады праз велізарныя аб'ёмы дадзеных і адсутнасці раўнацэнных еўрапейскіх альтэрнатыў.
Цяпер чытаюць
У Гомелі закрылі забягалаўку прадпрымальніка-лукашыста і знішчылі яго плакат са Сталіным5
Каментары
[Зрэдагавана]