Патрабуецца вызваліць памяшканні цалкам ад усяго, забраць трэба нават абразы і арганы.
Увесь тыдзень, ад панядзелка 17 сакавіка, працягваецца вываз з закрытага Чырвонага касцёла ў Мінску маёмасці парафіі святога Сымона і святой Алены. Вызваленне будынку ад усіх рэчаў было ўмовай уладаў для пачатку рамонту святыні, піша katolik.life.
Ад парафіі запатрабавалі вывезці цалкам усе рэчы, нават самыя грувасткія — гэта і лавы, і арганы, і некалькі фартэпіяна, і вялікія абразы, і бібліятэку, і копію Турынскай плашчаніцы.
Як стала вядома вернікам, транспарціроўкай займаецца сама парафія, маёмасць размяркоўваюць па іншых касцёлах, у тым ліку ў Мінскім раёне, бібліятэка адвезена ў Хрысціянскі сацыяльны цэнтр.
Паводле вернікаў, за тыя 2,5 гады, пакуль храм стаяў закрытым, некаторыя памяшканні насамрэч сталі патрабаваць рамонту — туды дабралася вільгаць, бо некалькі разоў прарывала водаправод, а ўлетку памяшканні ніхто не праветрываў і не адкачваў ваду з падвала пасля дажджоў.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары