Зяленскі заявіў, што Украіна атрымала новую партыю знішчальнікаў F-16
Паветраныя сілы Узброеных Сіл Украіны атрымалі дадатковую партыю знішчальнікаў F-16, паведаміў прэзідэнт Уладзімір Зяленскі, піша «Еўрапейская праўда».
Зяленскі не паведаміў колькасці знішчальнікаў, якія атрымала Украіна, аднак адзначыў, што гэта добрая навіна.
«Дадатковыя F-16 прыляцелі ва Украіну. Расіяне хлусяць, што яны нешта там збілі, нічога яны не збілі. А добрая навіна — некалькі самалётаў F-16 прыляцелі ва Украіну», — сказаў украінскі прэзідэнт.
Раней украінскі Цэнтр супрацьдзеяння дэзінфармацыі паведаміў, што інфармацыя аб збіцці самалёта F-16 над Сумскай вобласцю не адпавядае рэчаіснасці — гэты фэйк распаўсюджвалі расійскія каналы.
Утвораная ў 2023 годзе кааліцыя на чале з ЗША, Даніяй і Нідэрландамі ў мінулым годзе пачала перадаваць Украіне знішчальнікі F-16.
Першыя нідэрландскія знішчальнікі Украіна атрымала яшчэ ў кастрычніку 2024 года, а пра другую партыю стала вядома ў пачатку лютага 2025 года.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары