Лукашэнка адправіў у адстаўку Паўла Калаўра, які кіраваў Нацбанкам 10 гадоў
Пры ім запаволілася інфляцыя, скончыліся скокі з чорным курсам даляра.
Лукашэнка адправіў у адстаўку Паўла Калаўра, які кіраваў Нацбанкам 10 гадоў.
У 2017 годзе «Наша Ніва» называла Калаўра чалавекам года — за стабілізацыю рубля і вяртанне даверу да нацыянальнай валюты.
***
Павел Калаўр нарадзіўся ў 1962 у вёсцы Белавуша на Століншчыне. Скончыў Пінскі ўлікова-крэдытны тэхнікум (1980), Беларускі дзяржаўны інстытут народнай гаспадаркі імя Куйбышава (1985). Кандыдат эканамічных навук (2001).
Працаваў у Стаўбцоўскім, Бярэзінскім, Валожынскім аддзяленнях Дзяржбанка СССР (1985—1987), узначальваў Валожынскае аддзяленне Аграпрамбанка СССР (пасля — «Белаграпрамбанка») (1988—1993).
Працаваў у сістэме Нацбанка (1993—2010), спачатку намеснікам старшыні праўлення, з 1999 — першым намеснікам.
Старшыня праўлення банка «БелВЭБ» (2010—2014). Старшыня праўлення Нацбанка (2014—2025).
Жанаты, мае двух сыноў — Аляксея і Уладзіміра. Жонка і сыны таксама працавалі ў банкаўскай сферы.
Цяпер чытаюць
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары