У Беларусі фарміруюцца вайсковыя эшалоны, што можа сведчыць пра маштабныя вайсковыя перавозкі, заўважыла «Супольнасць чыгуначнікаў Беларусі».
З 3 лютага 2025 года праводзіцца праверка баявой гатоўнасці Узброеных Сіл Беларусі, у межах якой выкарыстоўваецца чыгуначны транспарт для перавозкі войскаў, тэхнікі і боепрыпасаў.
З 18 лютага на станцыі Багатырова (Мінская вобласць) пачалі адбор пасажырскіх і грузавых вагонаў на замову Міністэрства абароны. Падрыхтавана 48 пасажырскіх вагонаў, якія накіроўваюцца да буйных вайсковых часцей у розных гарадах краіны: Мінск (Азерышча), Барысаў, Заслонава, Ласосна, Слонім. Вагоны пераважна ў нездавальняючым стане, але прыдатныя для перавозкі.
Стандартны вайсковы эшалон уключае 2-3 пасажырскія вагоны, 10-20 платформаў з тэхнікай і 3-5 крытых вагонаў з боепрыпасамі. Агульная колькасць сфармаваных эшалонаў можа дасягаць 16.
Частка вагонаў ужо вярнулася пасля перавозак, але працэс працягваецца. Павышаны ўзровень сакрэтнасці можа сведчыць пра значнасць аперацыі.
Каментары
Раней не адзін вуазік з ваенай часткі не выезжаў непрыкмечаным.
А зараз дывізіі эшелонамі ідуць і нічога не слыхаць