Блогер Vadimati: Маё «пакаяннае» відэа сілавікі здымалі тры разы. І нічога не выйшла
У новым выпуску ТОКу былы палітзняволены Вадзім Ермашук, больш вядомы як блогер Vadimati, расказаў, як сілавікі спрабавалі зняць з ім прымусовае відэа — і чаму ў іх нічога не атрымалася.
«Калі мяне затрымалі, таксама здымалі «пакаяннае» відэа. (…) Я ў вобразе дэпутата [быў]. У мяне летні вобраз: шорты-клетачка, кашулечка-клетачка, гальштук, кепка. І ў мяне сцяг. Гэта відэа тры разы запісвалі, — расказвае Вадзім Ермашук. —
Я ўстаў, і яны ўключылі камеру. Я кажу: «Сябры, беларусы, я не меў рацыю. Як я мог на гэты цудоўны сцяг сказаць такое слова — «анучка». Вы ведаеце, я люблю нашу краіну, я люблю нашу Беларусь». І ледзь не цалую гэты сцяг».
Як згадвае блогер, запісанае відэа міліцыянер пайшоў паказаць начальніку, а калі вярнуўся, то сказаў, што трэба перапісаць.
«Я зноў. А ён на мяне: «Слухай, а што ты неяк гуляеш?» — «Ведаеце, я вось у КВЗ заўсёды ўдзельнічаў. І ў мяне, калі ўключаецца камера, неяк [вось так] ідзе» — «А ты можаш спакойна сказаць?» — «Не ведаю, камера ўключаецца — і ўсё».
Карацей, тры відэа знялі. І што я там нагаварыў? Я не памятаю. Я быццам бы на калена [стаў] і потым рукі склаў: «А божачкі». Я ўжо чакаў, што яно выйдзе. Не выйшла», — расказвае блогер і заўважае, што тое відэа было яшчэ трэшовейшае за «хлопотное дельце».
Глядзіце цалкам:
Палітвязень Ермашук назваў імёны зняволеных, якія стукалі адміністрацыі калоніі і псавалі яму жыццё
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»
«Мы для іх — мяса». Палітвязень выйшаў з меланомай, ён ускладае віну на начальніцу санчасці і прымусовае галенне галавы
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары